Formennskuáætlun um umhverfismál 2009

Í umhverfismálum verður sjónum beint að loftslagsmálum og málefnum hafsins. Einnig verður horft til hinnar sérstæðu náttúru Norðurlanda, hugmyndafræði náttúruverndar og samspils verndar og nýtingar náttúruauðlinda. Liður í því er fræðslu- og kynnisferð fyrir norræn ungmenni í Vatnajökulsþjóðgarð.

Íslendingar leggja ríka áherslu á norrænt samstarf um málefni Norðurskautsins og vilja í því sambandi nefna sérstaklega áætlun norrænu umhverfisráðherranna um loftslagsmál og mengun á norðurslóð. Einnig er mikilvægt að treysta samstarfið við Norðurskautsráðið.

Meðal verkefna sem Íslendingar leggja til að ráðist verði í er gerð vákorts fyrir Norður-Atlantshafið. Slíkt kort er forsenda þess að bregðast megi skipulega við mengunarslysum, en á undanförnum árum hafa siglingar olíuskipa aukist verulega í norðurhöfum.

Sjá formennskuáætlun um umhverfismál í heild sinni (pdf-skjal).